هذه المحاورة جرت بين الشاعرين/توني بلير
...و...بوش بن بوش,,حيث جاء بلير الى امريكا لحضور المؤتمر الاستثنائي مع بوش
وعندما دخل على بوش في صالة الاجتماع بداء بهذه المحاورة وقام بوش بالرد فورا,,,
بلير
الله لايجزاك بالخيـر يابـوش ورطتنا في حرب صدام ورطة
عزمتني وتقول بترول وقروش بس الحقيقة روحتي معك ورطة
بوش
يابلير رد العلم عن بوش بن بوش الله خـلـقـنـا للـمـقـاريـد سـلــطــة
وابـوي عنـدة للرجاجيـل دنبـوش كـم واحد(ن)شلنـا فلوسـه ونفطـة
بلير
ابوك والنعمين بـس انـت مربـوش تـمـوت بالبـتـرول وتـحـب شفـطـة
صحيح عندك مال وسلاح وجيوش مـيـر اتـوقـع لــك نهـايـة وسقـطـة
بوش
يابلير كانك خفت يوم التقى الهوش حــرام ماتـاخـذ مــن النـفـط نقـطـة
قبلك تراى شيراك قد راح مكروش شوفـه يصـرح كــل يــوم بمحـطـة
بلير
وراك ماتعطـي لشيـراك عـرمـوش تـــراه مشـغـلـنـا بـشـيـلـه وحــطــة
وليا انتهى موضوعنا نرسل طروش ونَجـمـع البـلـغ مــن الـربــع قـطــة
بوش
شيراك هذا عنده الفكـر مغشـوش فرط علىَ في مجلس الامن فرطة
يـدزه اليابـان والصـيـن ويـطـوش ومجهـز الفيتـوا لتحقـيـق شـرطـة
بلير
يابوش انا مرهق وخايف ومدهوش وانته تقول الحـرب خدعـه وخطـة
اسرآي واسراك امتلا منهم الحوش عـزالله انــه صابـنـي مـنـك جلـطـة
بوش
ماقالتلـك كـم فيـه إذاعــات ودشــوش لاتكشـف المعـنـى وانــا أقــول غـطـة
وان قالوا إنا علوج واصحابنا جحوش ماهـمـنـا الـصـحـاف والـلــي يـحـطـة
يـــــــــــــاحظ عيـــــنك